E-type lang ang katanungan sa loob ng box at pindutin ang search salawikain sawikain
Custom Search

Ano Ang Sawikain

Ang video sa baba ay naglalaman ng animnapung (60) halimbawa ng mga sawikain. Ang iba ay hindi nakalista sa ibaba. Maari lamang pong e-play ang video.


Ang sawikain ay kasabihan o' kawikaan na may dalang aral na maaaring tumukoy sa isang idyoma, isang pagpapahayag na ang kahulugan ay hindi komposisyunal. Ang sawikain ay tinatawag din na idioma. Ito'y salita o' grupo ng mga salitang patalinghaga ang gamit at hindi nagbibigay ng tuwirang kahulugan. Ang sawikain ay maari ring isang moto o mga parirala na nagpapahiwatig ng sentimiento ng isang grupo ng mga tao. Kadalasang malalim ang mga gamit na salita at pinapalitan ang pangkaraniwang pagtawag sa isang bagay at ginagawang matatalinhagang pahayag.

Mga Halimbawa ng Sawikain o Idyoma

halimbawa ng salawikain star Halimbawa ng Sawikain : Ikurus sa noo
Kahulugan: Tandaan
Halimbawa ng Gamit: Ang mga aralin sa eskwela ay dapat ikurus sa noo.

halimbawa ng salawikain star Halimbawa ng Sawikain : Butas ang bulsa
Kahulugan: walang pera
Halimbawa ng Gamit:  Nagsusugal si Juan kaya palaging butas ang bulsa.

halimbawa ng salawikain star Halimbawa ng Sawikain : Ilaw ng tahanan
Kahulugan: Ina
Halimbawa ng Gamit: Mahal na mahal namin ang aming ilaw ng tahanan.

halimbawa ng salawikain star Halimbawa ng Sawikain :  Bahag ang buntot
Kahulugan: Duwag
Halimbawa ng Gamit: Palibhasa bahag ang buntot mo kaya takot ka sa dilim.

halimbawa ng salawikain star Halimbawa ng Sawikain :  Ibaon sa hukay
Kahulugan: Kalimutan
Halimbawa ng Gamit: Ibaon mo na sa hukay ang nakaraan.

halimbawa ng salawikain star Halimbawa ng Sawikain : Balitang-kutsero
Kahulugan:  Balitang hindi totoo o' walang kasiguraduhan
Halimbawa ng Gamit: Kay naku, nagpapaniwala ka diyan kay Juan eh puro balitang-kutsero ang alam.

halimbawa ng salawikain star Halimbawa ng Sawikain :  Bukas ang palad
Kahulugan: Matulungin
Halimbawa ng Gamit: Ang mga taong bukas ang palad ay pinagpapala ng Panginoon.

halimbawa ng salawikain star Halimbawa ng Sawikain : Nagbibilang ng poste
Kahulugan: Walang trabaho
Halimbawa ng Gamit: Itong si Juan ubod ng tamad, araw araw nagbibilang ng posteBakit siya ay nagbibilang ng poste?

Para sa karagdagang halimbawa ng mga sawikain, e-click lang ang link na ito 👉 Halimbawa ng mga sawikain


May Katanungan Ka Pa Ba?

E-type sa loob ng box at pindutin ang Search
ano ang sawikain, ano ang idyoma



No comments:

Post a Comment